樂基兒婚後一年宣佈造人成功 初懷孕去玩徒手攀石嚇窒網友

撰文:洪曉璇
出版:更新:

去年8月樂基兒於加州再婚,同從事有機食品生意嘅男友Lan Chu拉埋天窗,剛剛先慶祝完結婚周年,呢日就傳來喜訊,原來Galie已經成功懷孕,又一個豬年星B啦﹗

樂基兒同老公Lan剛結婚一個月。(樂基兒IG)

Galie去年再婚後,經常香港美國兩邊飛,每次受訪被問及生育計劃都表示順其自然。有傳媒最近影到佢放狗,發覺本身FIT爆嘅Galie先發覺佢已經見肚,佢接受傳媒訪問時Galie大方承認成功懷孕,預產期係明年4、5月。

依家Galie大約懷孕四個多月,開始有少少見肚。(樂基兒IG)

一向生活相當健康嘅Galie第一次做媽媽都相當興奮,睇返佢嘅IG都有KEEP住分享生活點滴,朝早食蛋養胎,有時又去海邊度假相當寫意。9月1號有個POST係GaLIE去玩攀石牆,身上無安全帶徒手向上爬,如果預產期係明年4、5月,計返時間佢攀石時已經有咗BB近2個月,諗返起真係好牙煙呀﹗

9月1號初懷孕嘅Galie仲走去攀石,諗返起真係好驚險。(影片截圖)
+7