【跳躍生命線】催淚彩蛋曝光　麥Sir：劍雄最後一刻都係救緊人

「雄姐」出任務時殉職，噚晚嗰集《跳躍生命線》播出「雄姐」喪禮，並交代佢每次救人之後都會放入一蚊去嘅盒仔獲高職批准，繼續放喺救護站飯堂，並由眾人繼續呢個「使命」，當時傑仔拎住個盒就話：「係由雄仔五個美貌與智慧並重嘅家姐送比我。」
 

噚晚劇劇播出後，BigBigChannel上載了於電視中未有播出嘅片段!!!兩分鐘嘅片段由「雄姐」墜樓一幕開始，之後就佢五位家姐於救護局整理佢嘅遺物時哭成淚人，麥Sir對眾人解釋「一蚊盒仔」嘅來源時，家姐一句：「阿Deee而家都無得再儲啦。」真係好傷感，而身為高級救護主任嘅王Sir轉交市民的心意卡時就話：「雄姐救過嘅人又點止呢個份量。」而麥Sir亦都好可惜咁話：「失去一個咁優秀嘅 救護員係我哋損失，但我希望你哋知道，劍雄到最後一刻都係救緊人。」呢個彩蛋雖然只係短短幾分鐘，但就足以令人喊到收唔聲。雄姐，落更啦。