【將夜】黎明為陳凱歌愛兒做串星　洗腦對白竟成微博熱搜

改編自內地作家貓膩同名小說的網劇《將夜》上月底開播，雖然主角起用了新人陳飛宇、宋伊人，但話晒都有黎明、安志杰、胡軍、鄭少秋等份量級演員，加上全實景拍攝，點擊率短短幾日加埋就已經過有5億。

黎明近年鮮有拍劇，有指佢今次之所以演出，全因為該劇男主角陳飛宇係陳凱歌個仔，而黎明同陳凱歌向來友好，所以順利成章咁於劇中客串唐王李仲易一角。劇集播出無耐，好快就上咗微博熱搜。事緣黎明於劇中向來風度翩翩，淡漠寡言，但卻竟然會以「廢柴」鬧人，而且唔止一次。就好似喺第七集，黎明知悉蘇可飾演嘅唐親王動機後，於朝庭上口口聲表示願諒，但就以一句「但是你們全都是廢柴」鬧爆一眾大臣，聽到「陛下息怒」之後，再繼續「廢柴」，令廢祡一詞成了微博熱搜。

有網民指出原著小說中，只出現過「廢物」一詞，如今於劇中聽到「廢柴」感覺十分奇怪。有網民更以黎明「廢柴」版本，製作成remix版本。