周渝民結婚三年後婚照終於曝光 老婆喻虹淵:莫忘初心

撰文:鄺鈺瑩
出版:更新:
結婚三周年,喻虹淵公開同周渝民嘅婚照,好sweet呀。

「仔仔」周渝民3年前同拍拖4年嘅女友喻虹淵低調結婚,不過當時二人就只係公開婚戒合照,婚後喻虹淵淡出演藝圈,只係透過fb報告近況。唔覺唔經,二人結婚已經三年,而喻虹淵並罕有透過fb公開婚照,並寫上「屬於我們簡單的可愛和搞笑,希望一直在。莫忘初心。」

喻虹淵於2015年以「謝謝你在我身邊。謝謝大家」公開婚訊。

照片中,周渝民梳起油頭,身穿黑色西裝,一手插袋、一手同老婆十指緊扣,而喻虹淵則是披上lace頭紗,並配上純白色禮服。至於另一張婚照雖然是黑白照,但站於前方嘅周渝民chok得非常有形,後方嘅喻虹淵猶如女人人一樣。婚照曝光後,唔少人網民都即時送上祝福。