【後生仔傾吓偈】戴祖儀唔戴bra出街未算最心虛：最慘係無人發現
撰文：鄺鈺瑩
出版：更新：
麥明詩同一班後生仔以「心虛」作為討論題目，當中有人試過因為整斷港鐵車廂嘅扶手吊環、亦有人試過喺心儀對象屋企如廁後發現馬桶失靈。
最新一集《後生仔傾吓偈》以「心虛」為主題，眾人以「因咩事會心虛」公開討論，身為來賓嘅戴祖儀就提到自己試過冬天時試過唔戴bra出街，整日都會不自得做出護胸動作。「但最sad係根本無人發現到。」而佢亦試過因為男朋友想睇自己手機相冊時，由於內有唔少與男性友人合照，情急下將整個相簿刪除，雖然戴祖儀強調自己同男性友人清清白白，但就係唔明點解會心虛。
麥明詩都都唔少「心虛」嘢。
至於麥明詩亦有唔少心虛嘢，例如係坐喺白色bean bag時漏M、又或者去連鎖快餐店打邊爐時外帶食物「加料」，不過最爆嘅係麥明詩話自己曾經同曖昧中嘅男生約會時，使用對方手機睇ig。「突然收到direct message，話『我脫光衣服等你』」麥明詩將電話交還對方時，不忘講句「有人搵你」，她指對方表情甚為慌張，但基於雙方只係處於曖昧階段，無名又無份，所以也不能追問對方，後來對方向她主動解釋。「佢話係random fake message，仲叫我睇下個account入面啲相全部都係裸露，但我撳去個inbox時發現佢刪除咗個message。」事件除令麥明詩認為對方真係有啲嘢之外，一段萌芽中嘅感情亦就忘告終，而一班後生仔亦認為該男生之所以收到「我脫光衣服等你」訊息，之前一定係有接受過有關嘅資訊……
戴祖儀試過唔著bra出街，但佢話最慘係無人發現。