【兄弟】精緻片尾搶眼網民讚 導演Tom:唔再係定格然後出字幕

撰文:林迅景
出版:更新:
朱晨麗接受《香港01》訪問,回應這條Roller片段有何意思:「最緊要表達到『女人當自強』個訊息,楊青青個合角色都希望可以保護身邊嘅人。」(截圖)

台慶劇《兄弟》今夜(15/11)播至第4集,劇迷暫時以觀望態度,惟一致認為最有看頭的部份,是每劇最後一分鐘,即是出roller的部份,三位女主角朱晨麗、劉穎鏇、江嘉敏以拳手姿態練習,三人練到身水身汗,玩型格性感,如果不是有工作人員名單一直出現,會以為是著名運動牌子廣告,江嘉敏接受《香港01》訪問時說:「拍片頭片尾嘅係另一個部門嘅監製阿Tom,佢拍嘢好靚,好多片頭片尾都係出自佢手。」朱晨麗則供出「主腦」:「拍呢個片頭片尾係公司CID(Creative Imaging Department/品牌傳播科)部門提出要拍嘅,呢個監製好勁㗎,之前《踩過界》嘅片頭喺美國都有攞過獎。」

《踩過界》片頭都係阿Tom拍㗎,大家記唔記得?(截圖)

《兄弟》片尾拍得有心機,相當有型格,原來幕後功臣就是「TVB品牌傳播科」高級監製Tom Chan。如果有「煲開」TVB劇集的話,通常都會看到比較簡單或公式化的片頭片尾。TVB品牌傳播科高級監製Tom Chan解釋:「公司制度係,而家每逢合拍片都會搵CID做片頭片尾,但將來如果人手足夠的話,目標係全部劇都做。」這個情況,去年播出的《不懂撒嬌的女人》是為開始,而隨後播出的《踩過界》,片頭曲用飛蛾帶起整個故事的演繹手法,在TVB也屬另類之作。不要以為TVB製作就難登大雅之堂,其實早於本年(2018年)4月,美國「紐約國際電視電影節」中,《踩過界》的片頭就已獲得了「娛樂節目片頭組別銅獎」,這次《兄弟》的片頭片尾的製作,亦出自Tom Chan之手。

除咗片頭三兄弟打得精彩,其實片尾三姊妹一樣咁正。(截圖)
江嘉敏:「拍片尾之前冇減到肥,所以着住背心跑嗰幕,其實係肥過拍劇嗰時㗎,哈哈。不過阿Tom都有錫住我,拍嗰時都唔係好辛苦。」(截圖)

Tom Chan向《香港01》談起片頭以及片尾的概念:「片尾你見到有3個女仔打拳做Gym,其實我係諗咗片頭先嘅,為咗平衡返個片頭3兄弟打架,嗰種硬爽嘅風格,所以片尾就用咗3個女仔攞個平衡。通常做片頭片尾之前,我都會先睇套劇,之後有隻歌,再諗個主題。(有咩概念?)片尾係想做同向來TVB劇有啲唔同嘅嘢。以往大家睇嘅通常係剪接師Freeze(定格)一格然後Key字幕。嗰時就諗同3個角色都有關而又一致嘅嘢做,同埋想有個『女人當自強』嘅感覺,所以就揀咗做Gym。(劉穎鏇係女拳手,打拳做Gym就清楚,但係點解朱晨麗要操手臂,江嘉敏跑步?)冇原因㗎喎,其實都搵個重覆性嘅運動去襯返字幕,字幕先係焦點。」

正如監製Tom Chan所說,「字幕先係焦點」。不過眾多網民依舊「錯重點」,焦點仍舊放在朱晨麗、江嘉敏、劉穎鏇3位女角做Gym的畫面身上。Tom Chan聽畢就很輕描淡寫的說:「冇所謂,最緊要有話題,大家又記得咪得囉。」

【兄弟】國際級片頭製作靈感係乜? 有一幕仲參考咗《英雄本色》

精彩片尾逐格睇:

+11

其實品牌傳播科(即是CID,Creative Imaging Department)早已在2017年合拍劇《不懂撒嬌的女人》開始,就為劇集製作片頭片尾內容。當然, 除了設計片頭片尾外 ,亦負責劇集宣傳。《不懂撒嬌的女人》、《 踩過界》、《使徒行者2》、 《宮心計2之深宮計》、《溏心風暴3》、《再創世紀》、《兄弟》等劇,CID都有參與。

+33