陳靜堯擔心中文講得差冇嘢撈　買小學練習簿喪操拼音

在《2018香港小姐競選》奪得友誼小姐的陳靜堯今天（18日）出席「香港壁球公開賽」記者會。陳靜堯笑言看她一身健康膚色就知道她是熱愛運動的人：「以前喺紐西蘭時候一個星期做5日Gym，而家潛水為主，同埋會同爸爸去打高爾夫球。」

陳靜堯指自己成為藝人後，生活忙碌了很多，正入讀藝員訓練班的她便指了很多人不同的一面：「我哋選港姐時大家都好正經，好得體，突然上訓練班大家都要開放自己，會見到好多唔同演戲嘅一面。」

陳靜堯其實是從外國回來參加《香港小姐》，她決心進入演藝圈後也開始面對她最困難的地方，就是說中文。她透露不想因為中文說不好而錯失機會：「我而家好少講英文，不斷讀中文，咁我哋劇本係中文，唔識讀已經慢人一大步，所以我好勤力學中文。我練嘅方法係買咗小學中文練習簿，咁上面又有國語拼音，所以我都可以讀中文字，都有check返讀得啱唔啱。」除了練習簿，她也苦讀歷史書，為了能發音更準確。