賈曉晨希望女兒做語言天才 老公樊少皇唱反調：佢係習武奇才
撰文：趙允琳
出版：更新：
樊少皇和太太賈曉晨（JJ）今晚（18日）為女兒「小飯兜」辦一歲生日派對，JJ直言女兒的出現令自己改變不少：「一年前我冇咁鐘意細路仔㗎，當時我覺得我生完之後唔會點理佢，但我而家發現，我係一秒鐘都唔可以離開佢，係完全變晒！」已經去到愛女成痴這個地步的JJ更自認一踏入童裝店鋪即時「失晒控」：「而家我BB嘅衫已經多到好多都未着就已經唔啱着喇，哈哈。」
樊少皇和JJ的女兒今日（18日）一歲生日，呂慧儀、姚瑩瑩、劉松仁、錢小豪等均有出席生日會。（陳順禎攝）
樊少皇靠視像與女兒保持聯絡
樊少皇說這一年因爲要出外拍戲與女兒分隔兩地，所以經常都很想念她：「之前接咗個電影去咗尼泊爾成個幾月返唔到嚟，又唔可以帶埋個女嚟探班，只可以日日視像通話。」他們表示如有機會，希望可以帶住囡囡拍攝育兒節目。
「小飯兜」眨眼間就一歲大，眼仔碌碌的樣子跟爸爸媽媽都有幾分相似。（陳順禎攝）
女兒是文武雙全
雖然「小飯兜」只有一歲，兩位新手父母已經在為她的升學着手準備，並表希望女兒可以多學幾種不同的語言。樊少皇笑說：「第二啲睇吓佢大啲之後嘅興趣，雖然我好似講笑咁話要佢學功夫，但都要睇吓佢自己肯唔肯囉，但我覺得佢係一個習武奇才！」
他們說一歲大的女兒非常百厭，經常「唔知死」爬到床頭、梳化頂，甚至欄杆上等等，令他們非常頭痕。（陳順禎攝）
樊少皇：中、港、台係一家
昨天在台灣金馬獎引發的「台獨」風波，樊少皇和JJ今日亦有在微博上轉發「中國，一點都不能少」為事件表態：「我永遠都支持中國係唔可以少一點㗎，中、港、台係一家吖嘛，中國人就係中國人啦。」
JJ說已經看了不同學校，暫時還未決定到讓女兒在香港還是北京讀書好。（陳順禎攝）