《TVB萬千星輝賀台慶》今晚（19日）舉行，今年首度在台慶上頒發馬來西亞及新加坡的視帝視后，入選兩個獎項最後三強的袁偉豪（Ben）首次入圍視帝，他表示不大壓力：「都係平常心啦，當然有得提名係一件好開心嘅事！」

女友張寶兒當然全力支持阿Ben得獎：「真係做得好嘅觀眾都會喜歡嘅，所以都唔需要特別講啲咩㗎啦！」（如果阿Ben得獎寶兒會唔會有獎勵？）寶兒笑著讚他：「做得好！」阿Ben無奈地說：「吓？真係好好啊呢個獎勵！」