《大帥哥》場場重頭戲 蔡思貝讚張衛健好大功勞：化腐朽為神奇
撰文：趙允琳
出版：更新：
TVB戲集《大帥哥》下月開播，一眾劇中演員今日（21日）出席記者會。首次拍民初劇的蔡思貝表示最大的挑戰在於咬文嚼字：「初初拍嘅時候好躊躇，古裝就再字正腔圓啲啦，但民初要點拿捏個中間位呢？所以初頭拿捏劇本對白都苦惱咗一排，初時讀對白好似讀書面語咁，但係之後就慢慢tune返，可能你會覺得有啲戲『咦？突然之間咁文縐縐嘅？』就係因為咁。」
蔡思貝在劇中飾演一名革命黨員，也是「大帥哥」張衛健身邊的三位姨太太之一。（梁碧玲攝）
首次與張衛健這位大前輩合作，思貝直言好有壓力，但同時亦在他身上獲益良多：「佢可以將場場戲都變成重頭戲，將場場大大小小嘅戲都可以化腐朽為神奇變得每一場都咁好睇！」她更大爆劇中演員第一次見到張衛健時不斷「拋書包」大講金句，馬上就跟他拉近關係。（你識邊句？）她笑說：「唔好獻醜！」
思貝(中)表示為了劇集第一次到內地拍劇，更透露要在攝氏40度高溫下拍攝，現在劇集終於出街，她都覺得非常感動。（梁碧玲攝）