富商男友紀曉波捲入投資風波 吳佩慈二按西半山三億豪宅
撰文：鄺鈺瑩
出版：更新：
吳佩慈與紀曉波拍拖多年，已為對方生下2子1女，目前懷有第4胎。（吳佩慈微博）
吳佩慈為富商男友紀曉波誕下一女兩子，雖然二人至今仍未完婚，但有傳每次產子後，吳佩慈都會收到厚禮，當中包括位於西半山嘅3.3億元豪宅。之不過，早前有指紀曉波捲入投資風波而被捕，吳佩慈雖然即時上載全家副粉碎傳聞，但另一邊廂佢悄悄地將自己喺香港唯一嘅物業「二按」套現，難免會令人聯想籌資救男友。
吳佩慈2018年9月時將位於西半山嘅頂樓全海景豪宅「二按」套現。(網上圖片)
有傳吳佩慈於2106年時，以「一炮過」付款方式買入西半山瀚然最高兩層全海景特色戶，而紀曉波媽媽崔麗杰亦曾於今年8月於上址宴客，不過，據豪宅保安表示，吳佩慈已搬離該處一段時間了。吳佩慈回應台灣傳媒時，承認已將豪宅抵押，原因係「市場投資機會多，做些新的投資。」但就未有透露做咗咩新投資。
自從同紀曉波一齊之後，吳佩慈已淡出娛樂圈，只係偶爾透過微博上載近照。（吳佩慈微博圖片）
其實除咗半山豪宅之外，有傳紀曉波曾在吳佩慈名下存入200億新台幣、3億港幣股票，而未來奶奶崔麗杰亦送過10.4卡、價值2500萬嘅Bvlgari鑽石戒指予吳佩慈，令吳佩慈身家瘋狂暴漲。俗語都有話你敬我一尺，我敬你一丈，吳佩慈收禮之餘，都有回禮，就好似未來奶奶於塞班島興建賭場王國，佢就豪擲10億人民幣（約12億港幣）打造兩條金色施華洛世奇水晶巨龍懸掛在酒店大廳。