【萬千星輝】黎諾懿被袁偉豪奪星馬視帝嚇窒 自覺屬陪跑分子
撰文：賴家杰
出版：更新：
黎諾懿憑《BB來了》角色獲提名《萬千星輝頒獎典禮2018》競逐「最佳男主角」獎項，諾懿笑指原本對自己都好有信心：「如果未選新加坡同馬來西亞嘅視帝視后呢，我都尚存一絲希望，估唔到袁偉豪咁犀利連攞兩個獎，我真係驚佢香港都攞埋，所以今年我都係坐下、睇下同參與下，因為自己都有一段時間冇參與過頒獎典禮。」
《BB來了》播出後深受觀眾喜愛，全因劇情非常「貼地」，所以諾懿雖然自覺無緣爭獎，也為自己拉一拉票，「雖然見到袁偉豪個勢咁勁都怯一怯，但如果大家有多餘嘅票或者鍾意《BB來了》嘅朋友記得投我哋，畢竟《BB來了》都好似好多人睇，希望大家仲記得《BB來了》。」
黎諾懿希望好對手李佳芯在頒獎禮有好成績。（黃國立攝）
提到馬神馬德鐘在訪問中指自己希望有零的突破，入行16年的諾懿也同樣希望有零的突破：「我年年做訪問都話想攞獎，今年攞到獎固然之好，但攞唔到咪等到下年囉，我應該都仲係到嘅，我仲未走住，攞唔到咪繼續努力囉，平常心。」
諾懿直言獎項與金錢之間一定會選擇金錢，因為而家要養老婆同小朋友。（黃國立攝）