薛家燕網上搞「選婿大會」 洪永城、吳業坤都加入戰團？
撰文：賴家杰
出版：更新：
早前薛家燕在社交網站發布一篇文章，說要幫女兒石祐珊（珊珊）舉行一個選婿大會，家燕姐接受《香港01》訪問時解釋：「其實最近同珊珊拍咗一個廣告，因為阿仔結完婚之後係咪要到珊珊呢？佢好忙，工作上都無抽時間去拍拖，咁我就話不如搞一個選婿大會，其實我擺上網到，唔知會咁大反應，好多人走嚟參加又問條件要乜，我有啲朋友又話約我個仔同你個女食餐飯，有啲又話想飛返嚟見佢，原來反應咁大。」
家燕姐網上搞「選婿大會」，大把人爭住約阿女珊珊食飯。（黃國立攝）
可惜「襄王有心，神女無夢」，家燕姐透露珊珊叮囑她不要多事，先忙好她自己的演唱會，不過作為母親見到有這麼多候選女婿又怎會這麼快死心，家燕姐直言：「我演唱會完咗之後會拉珊珊同佢哋一齊食飯。」
家燕珊大女石祐珊又靚又叻，梗係多人爭，不過家燕姐話阿女太忙無時間識人。（網上圖片）
家燕姐說到吳業坤開玩笑說也想追求珊珊，不過覺得他太花心，所以不考慮介紹他給女兒認識。（黃國立攝）
家燕姐大爆候選女婿中原來還有一個星級人馬，他就是洪永城（Tony），「我之前同洪永城一齊去外地出席活動，我問佢幾時可以同佢做旅遊特輯，佢好成功㗎嘛，佢話好呀，我當時話唔知去南極定北極，然後佢立即去書局買本書畀我睇，話佢安排，前幾個喺公司又撞到佢，佢又問我幾時拍旅遊特輯，我話好，不過佢同我講話係想同我個女去，咁我唯有話好，等我安排一下。」
唔知洪永城係咪珊珊杯茶？（IG圖片）