【勁歌金曲】廣場大媽揭曉得獎歌曲：喜悅就是當音樂遇上舞蹈

愈做愈悶嘅《勁歌金曲》前晚舉行優秀選第二回，由於今次頒獎禮以「音樂連繫每個人」為主題，（myTVSUPER寫的)，所以就特地邀請充滿香港地道特色人士負責揭曉得獎歌曲，當中包括的士司機、建築工人、豆腐檔老闆、健身教練、現場粉絲……果然真係相當「香港地道特色人士」。
 

不過話得係地道特色人，又點少得屋企樓下總有嘅廣場大媽呢！節目中，以「靚媽舞蹈團」去取代「廣場大媽」一詞，並以「喜悅就是當音樂遇上舞蹈」去介紹呢種大媽文化，受訪嘅幾位大媽都十分喜愛廣場舞，並指「啲姐妹都相處得好開心」、「跳咗百幾首架啦」，講完自己心情之後，當然要宣佈得獎歌手啦，阿婷姐雖然有少少口音，但都聽到佢讀出「2018健哥金曲休獸損第異回 得獎歌手係鍾舒漫」，節目仲好心有思，將鍾舒漫首《開心節》配上大媽舞蹈……。不過，或者係因為得獎歌有成20首，特色人士已用盡，所以玩咗兩part之後，就改由主持宣佈返得獎歌曲。