Jessica C. 生完第二胎依然勁索 分享瘦身秘訣：好有用
撰文：冼燕珊
出版：更新：
生完第二胎的Jessica C. 減少工作，專心湊一對仔女。今日佢難得帶同愛犬出席活動，雖然已經係兩個小朋友嘅媽咪，但Jessica C. 身材依然火辣，輕鬆駕馭緊身短裙。
Jessica C. 話瘦身急唔嚟。（陳順禎攝）
「我唔只係兩個小朋友嘅媽咪，我仲養咗3隻貓同1隻狗仔，我覺得生完第二胎瘦得仲快，平時都係跑步同做瑜珈，都係簡單運動，我唔想太攰，因為要留力照顧小朋友。」Jessica C. 說，好多媽媽生完BB之後很難修身，她說要保持樂觀，接納自己的身體需要時間瘦下來，好好享受做媽媽的角色。
除了簡單運動，同好多星媽一樣，Jessica C. 都有用古法紮肚嚟瘦身，佢仲大讚有用：「我條腰瘦咗兩吋，做咗十次療程，每次用草藥按摩個半鐘，然後紮8-10個鐘。」Jessica C. 亦大讚老公安志杰（Andy) 係神隊友，「尤其係夜晚我瞓咗覺，Andy會講故事畀阿女聽，所以依家個女痴爸爸多啲。」
Jessica C. 今日在香港出席聖誕活動。（陳順禎攝）