【美女廚房】三位主男大讚張曦雯係完美化身 Bob：佢落埋降頭

無綫第三輯的《美女廚房》經已圓滿結束，蕭正楠 (Edwin)、林盛斌 (Bob) 以及張振朗三位男主持就聯同一班美女學徒齊齊飯聚，並欣賞最後一集節目的播映。對於節目播映完畢。Bob坦言一定有唔捨得：「拍咗半年，好大感受，由未拍時外界已經知道係我哋三個做主持，就有好多唔同嘅聲音，到播出咗第一集，外界亦有好多意見，我哋都好努力，開好多次會，好畀心機去做，到之後好多人都話好好笑，叫我哋加油。以一個星期六播映嘅節目，平均收視有20點以上，最高收視有23點，我覺得相當唔錯喇。」他們也希望有機會可以添食再拍多輯。

至於他們三位心目中的美女廚神是邊位，Edwin即表示自己心目中的美女廚神就只有一個，即是他的女朋友黃翠如，除了對方就無第二個了。而在節目中的美女廚神則是張曦雯 (Kelly)，三人異口同聲大讚Kelly簡直是完美的化身，除了廚藝了得之外，其他各方面都好正，且為大家帶來好多歡樂。Bob笑言：「懷疑佢直情係落埋降頭。我最欣賞佢認真煮嘅態度，完全係感受到佢好有heart。」振朗認為蔡思貝、黃心穎的廚藝都有驚喜，而關心妍則是他唯有一位有合照的女嘉賓。三人又講笑話經過咁多集的訓練，已練出好有抵抗力的腸胃。