【萬千星輝】視帝因Juno冀2019年再戰歌壇︰想音樂上畀到觀眾驚喜

撰文:賴家杰
出版:更新:

TVB台慶劇《兄弟》王浩信、楊明、伍允龍、朱晨麗及江嘉敏等一眾演員,今天(2/12)出席《兄弟》宣傳活動,比試VR射擊和賽車,雖然他早前因拍攝《解決師》令手指骨折,惟無礙遊戲比試時的表現。

TVB台慶劇《兄弟》一眾演員今天(2日)出席《兄弟》的VR遊戲宣傳活動。(梁碧玲攝)

「萬千星輝」奪11項提名:最想《兄弟》獲最佳劇集!

提到《兄弟》這套劇集於「萬千星輝頒獎典禮2018」中獲11項提名,王浩信說到最希望是能奪得「最佳劇集」,而個人獎項方面浩信除了獲提名最佳男主角及最受歡迎男角色外,也憑《兄弟》他主唱的主題曲《非凡》有提名,浩信笑言:「獎項唔厭多,我都係抱觀望態度。」

王浩信近日拍攝《解決師》令到手部手傷,浩信指已經康復好多,不影響日常生活。圖右為與他一起參加賽車比試的劉溫馨。(梁碧玲攝)

冀明年再戰樂壇 聽Juno新歌有啟發

很多人也不知道王浩信2005年以歌手身份出道,約滿後加入TVB轉戰拍劇,用10年間,獲得今天的演技成就,今年初憑《踩過界》勇奪視帝,但他坦言沒有忘記歌唱事業,他希望2019年歌唱事業有些新搞作,只是拍劇檔期排得很密,「我成日都想用音樂呢個媒介去做一啲表演,我成日都諗點樣喺音樂上畀到觀眾驚喜,但真係要時間去做,我諗要用半年時間籌備,而家拍劇都排到去明年4月喇,我都希望呢件事唔係遙遙無期,希望下年可以實踐得到。」

最近麥浚龍、謝安琪與古天樂推出新歌《(一個男人)一個女人和浴室》,而他們三人在「拉闊音樂會」的演出,外界評價不俗,王浩信也直言深受打動:「我成日都想用音樂呢個媒介同大家分享,我成日都諗點樣用音樂畀到驚喜觀眾,今時今日音樂已經唔可以用以前模式(意指停留在推單曲或專輯的想法),好似最近聽麥浚龍同謝安琪好多首Combinations,仲有古生加入呢個故事入面,好大啟發,真係好鍾意佢哋嘅作品,又有故事性,歌詞好容易入到觀眾心,譬如我而家再做,係咪喺畫面、喺戲(劇)上面可以配合呢,可以令到觀眾有更體具嘅感受呢?呢個我一直諗緊。」

+2