【Error正式出道】肥仔領軍4人組合出道 破格短片網民勁BUY

撰文:冼燕珊
出版:更新:

選秀節目《Good Night Show全民造星》早前圓滿落幕之後,ViuTV從中挑選12人組成男團MIRROR,但因為名單上沒有肥仔(梁業),令網民一度緊張肥仔去向,依家大家不用擔心,原來ViuTV另有打算,由肥仔領軍,組成4人組合ERROR出道,其餘3位成員包括193、阿Dee和保錡,佢哋仲自封係「全新騎呢cam爆男子組合」。

肥仔另以4人組合出道,大家都興奮!(IG圖片)

肥仔(梁業)本來就係比賽熱門之一,在決賽當晚表演出色,由頭帶到尾,可惜最終竟三格不入,不少粉絲為他大感不值。其實話晒肥仔都係第4名,又有才華又有觀眾緣,花姐又點會錯過佢吖?如今肥仔擔大旗出道,率領阿Dee(何啟華)、193(郭嘉駿)和經常被取笑生得似八両金的保錡(吳保錡),以4人組合ERROR出道,相信粉絲們都好興奮。

ViuTV日前已經推出以肥仔為首的《肥仔大冒險》,一連7條短片為組合宣傳,講述佢哋嘅出道故事,過程啜核搞笑,唔只仲拍片拍到踩入TVB──個門口,華Dee 仲夠擔講咗句:「X你個X,ViuTV 個乞衣!」影射古天樂某年生日時,飲大咗,爆嘅嗰句:「希望ViuTV個乞兒呢…..」。淨係ERROR團隊嘅呢份破格同挑戰老細底線膽量已經令人相當期待,有粉絲留言話:「可能分分鐘紅過MIRROR」。昨晚(2日)開始在IG 宣傳,一日唔夠已經有超過五千個Followers,鋒頭不輸MIRROR。

華Dee真係好夠薑呀!!!即刻封你做偶像!(影片截圖)
ViuTV拍宣傳片拍到踩入TVB地頭。(影片截圖)
+3

雖然MIRROR率先出道,不過ERROR同樣受到重用,據知ViuTV節目《花姐去旅行》已決定由ERROR同行,MIRROR無緣參與。據說四位成員還設計了好多遊戲和挑戰畀花姐,令人期待!肥仔亦在個人IG度多謝花姐畀機會佢哋4個出道,肥仔留言話:「我哋未必係最好,但我哋好多idea 都好用心去諗,希望大家支持。」

加油呀ERROR!!點擊成員IG圖片:

+12