首次合作拍劇「撻着」陳瀅 陳家樂:讀者太具創作力

撰文:賴家杰
出版:更新:

早前陳家樂與陳瀅被拍下二人「撐枱腳」食飯,更被拍下家樂餵陳瀅吃三文魚,雖然陳瀅就沒有吃下,但二人「撐枱腳」被拍下後立即被標籤成為緋聞情侶。

今天(4日)家樂出席電影《死因無可疑》的開鏡儀式,家樂係戲中做一個保險員。(黃國立攝)

今天(4日)家樂出席電影《死因無可疑》的開鏡儀式,在接受《香港01》訪問時,他回答這件事情:「我諗影嗰位讀者太具創作力,因為我最近同佢拍緊劇《廉政行動2019》,只係我哋早咗收工係附近食飯,同埋有時候都會同其他演員一起食飯,咁啱個日係同佢兩個人。」

家樂也猜不透點解最近咁多緋聞都關佢事。(黃國立攝)

但說到二人首次拍劇便「撻着」,家樂立場否認:「我哋劇好拍擋,真實都做緊好兄弟,(餵食三文魚?)其實係角度問題,你睇條片其實真係唔似我餵佢食囉,所以我就係話極具創作力,我覺得幾好笑。」

家樂好多謝大家關心佢戀情,依家仲係單身,想專注工作。(黃國立攝)

自從陳家樂因拍攝電視劇《逆緣》人氣急升後,他的戀情備受關注,早前洪卓立與湯怡分手也傳是他的介入,到了這次傳出與陳瀅「撻着」,家樂傷心地說:「我就快冇晒朋友,我啲朋友今朝訊息我,話每次同陳家樂食飯都瀨野。」家樂指現在單身,也不會追求對方,雙方只是好朋友。