連詩雅強勢加盟「星夢」 威脅吳若希、菊梓喬地位？
撰文：賴家杰
出版：更新：
連詩雅（Shiga）今天（4日）正式加盟星夢娛樂，身穿一身紅色晚裝的她，似足新娘擺酒，Shiga自己也很有出嫁的感覺，很多人恭喜佢，令佢想同大家講聲「飲多杯，招呼唔到」。Shiga此次加盟星夢娛樂，覺得是給大家一個驚喜：「其實點解加入公司嘅細節就唔方便透露，但大月家都好有誠意去合作，而且可以Join到TVB呢個大家庭，本身好鍾意睇TVB嘅劇，尤其係將來希望可以唱TVB嘅主題曲。」
連詩雅（Shiga）今天（4日）一身紅色晚裝，宣布強勢加盟《星夢娛樂》。（黃國立攝）
在記者會中，舊同事兼朋友周柏豪也拍片恭喜Shiga，賀佢加入同一間新公司，二人這麼友好，難免會令人懷疑是周柏豪幫佢「搭路」入星夢娛樂，Shiga解釋：「其實唔關事，我哋公司同《星夢娛樂》未來嘅路向都好一致，大家都好投契，促成今次嘅合作。」
Shiga表示今天是她大喜日子。（黃國立攝）
在正式加盟後，Shiga會否威脅「一姐」吳若希及「得寵」的菊梓喬地位？暫時也是未知之數，Shiga表示沒有想過這個問題，不過Shiga透露最擔心是與公司同事的相處：「自己做好本份，做好自己，如果同大家做到好朋友係最好，對我自己嚟講，我都比較被動嘅，唔太識同人相處，有咁多師兄師姐會令到氣氛融洽，會好開心。」
Shiga會否威脅吳若希同菊梓喬喺星夢嘅地位？（黃國立攝）