陳瀅自稱仍是單身 大讚陳家樂勤力：呢個男仔好抵讚！
撰文：趙允琳
出版：更新：
陳瀅（Jeannie）和陳家樂因拍攝《廉政行動2019》而成為好朋友，日前被爆私下約會在日式餐廳「撐枱腳」，令「雙陳戀」意外爆光。
陳瀅（Jeannie）今日（4日）以一身粉紅色造型出席活動，看上去心情沒有被緋聞影響。（梁碧玲攝）
Jeannie今日（4日）出席活動後接受《香港01》訪問時解釋，那天只是碰巧與家樂拍完劇一起食飯：「其實都見咗幾個月，成日都食飯㗎啦！只係嗰日被人光明正大咁被人見到先會令人誤會。」她笑說報導出來後就馬上被經理人「訓話」：「佢話：『你真係好忙唔可以去間隱蔽啲嘅地方食飯咩？係咪真係要咁唔理自己身邊啲嘢呢？』因為嗰日真係好攰啊，諗住放工是但食個飯就走。」
她透露活動完結後也會繼續開工拍劇見到陳家樂，Jeannie說見到他不會覺得尷尬。（梁碧玲攝）
雖然否認戀情，但Jeannie都大方讚家樂非常勤力，在這兩個月期間即使同時拍攝幾套劇經常不夠休息，但仍然非常敬業的態度令她很欣賞：「我見到佢仍然好有團火，佢真係好勤力同好捱得！佢試過幾次無瞓過覺但都仲好準時到，唔會遲到。我見到佢咁我覺得呢個男仔好抵讚，真係好勤力！」
Jeannie說曾經有一年聖誕節與朋友交換禮物時收到一個廁所刷令她很無奈。（梁碧玲攝）
家樂接不接近Jeannie心中的理想對象？她說其實自己也不太清楚自己的擇偶標準，因為過往的男朋友都沒有太大共通點，不過她就非常重視感覺。她也列出了幾項希望男朋友能有的特質：「孝順啦，勤力啦，同埋細心！」家樂已經被Jeannie大讚勤力，中了三項中的一項，看來要得到女神芳心，再努力一下也不是不可能的。
Jeannie透露今年聖誕節將會與洪永城渡過，因為當天要拍《黃金有罪》。（梁碧玲攝）
Jeannie說希望大家再給她多少少時間：「大家係好心急好想見到我拍拖，我都好感恩有好多人咁錫我。但而家真係可以好肯定同大家講我仲係單身！」
+5