李佳芯都會飲醉酒 女神最怕控制唔住自己做錯事？
撰文：賴家杰
出版：更新：
李佳芯（Ali）出席美酒概念活動，現場Ali更化身調酒師親自調製一杯雞尾酒給現場觀眾喝。喝酒並不是每人也會喜歡，但對Ali來說是一種享受，「我好鍾意係開心場合飲酒，尤其是慶功，我係無得走，我好易面紅，唔飲得都要畀人迫飲一兩杯，但開心場口飲酒會令氣氛昇華。」
Ali教男仔追女仔方法，可以嘗試去做調酒師，會加分。（梁碧玲攝）
不少人喝醉走也會做出一些不尋常舉動，Ali也不例外，「我好怕飲醉酒會煩住人嗰啲，我飲醉酒係會眼瞓或者會係咁講嘢，但平時我係朋友面前我好少出聲，我私底下好靜，但飲醉咗會辭講嘢，會講平時唔講嘅語言，普通話或英文，但酒醉係三分醒，絕對唔會因為飲醉酒爆人秘密，控制唔住嘅就只會係到傻笑。」
活動中Ali不忘為接下來的《萬千星輝頒獎典禮》幫自己拉票，「我唯一識拉票就係每次出活動叫大家投我一票，「最佳女主角」、「最喜愛女角色」及「最佳劇集」，投哂三個我都Ok。」為自己拉票方式有很多種，為Ali提議她可在網上開Post撒嬌可能會獲得很多票，Ali直言：「我覺得嗲人唔得，我行呢個路線嘅話，見開我啲粉絲會打冷震。」
Ali希望接下來《萬千星輝頒獎典禮》各位粉絲會投佢一票。（梁碧玲攝）