黃日華女兒黃芷晴回復單身 透露媽媽接受骨髓移植休養中
撰文：趙允琳
出版：更新：
黃日華女兒黃芷晴（Adrian）今日（6日）出席品牌的聖誕活動，提到今年聖誕節打算炮製聖誕大餐給父母：「之前拍咗啲飲食節目學咗整火雞同龍蝦，希望可以聖誕節整到畀佢哋食。」
Adrian稱媽媽梁潔華於八月底接受了治療血癌的療程：「呢個都係醫生建議嘅，佢做咗骨髓移植，而家終於做哂！（已經出咗院？）已經出院休養咗三個月左右。」她直言現在終於能放下心頭大石，開心過聖誕。
Adrian指本來計劃在今年年底開服裝首飾店，但因為家事要延遲多四至六個月。（陳順禎攝）
提到自己，Adrian透露最近回復單身，與拍拖多年的男友分手，並指二人是因了解而分開：「我同佢算識得耐，但正正可能呢個原因，點解識咗咁耐都仲要咁執著，大家都有互相執著嘅位。如果真係讓唔到，做唔到自己，不如分開一下啦。」