【阿嬌減肥日誌】拒戴大金豬嫌太搞笑　阿嬌：我要靚

在今年五月榮升人妻的鍾欣潼（阿嬌），為了12月20日在港補擺喜酒可以話出盡力，為了做靚靚新娘她婚前積極減肥，給自己為期一個月的時間操到最Fit，並將自己運動的影片上貼社交網站，實行同大家分享最好成果。

來到阿嬌減肥日誌第22日，她就冇上貼做運動的影片而走去挑選金飾為婚禮做準備。身穿便服的阿嬌就在經理人Mani（霍汶希）的陪同下去到一間金舖，阿嬌一開始就睇龍鳳鈪，台面上擺放幾對龍鳳鈪應該是阿嬌的心頭好，隻隻睇上去都幾兩重，即刻試戴的她細心作對比，看似猶豫不決的時候在旁的Mani就出建議：「這個比較帥，一條龍」認為有龍的圖案比較好睇，阿嬌亦似乎好鍾意。

就在阿嬌只專注睇龍鳳鈪的時候，Mani就突然要求睇大金豬，但阿嬌似乎唔想戴：「不好，我說不想帶（戴）金豬，我不要搞笑的，我要漂亮的。」試戴完Mani亦都覺得一般：「其實也不是十分漂亮，搞笑多點。」似乎對金豬不抱興趣。見阿嬌為婚禮做足準備，迎接20號做靚靚新娘，網友都紛紛給予祝福，更表示結婚戴金豬絕對唔係搞笑，係一個意頭叫阿嬌唔好抗拒。