黎諾懿想添家族成員：希望個天會畀個女我啦！
撰文：趙允琳
出版：更新：
黎諾懿與李佳芯（Ali）昨日（12日）在TVB週刊品牌大獎頒獎典禮上齊齊奪得「最強人氣廣告飛躍男、女明星」，諾懿接受《香港01》訪問時坦言拍完《BB來了》後多了拍廣告的機會：「自從我真嘅BB出世，同埋拍完《BB來了》，唔知係唔係改變咗形象變成一個爸爸，所以多咗好多家庭產品嘅廣告。希望嚟緊我嘅家族成員可以再多一個，令到我嘅爸爸形象再深入民心！」
黎諾懿、郭富城、楊千嬅和李佳芯昨日（12日）出席《TVB Weekly最強人氣品牌大獎頒獎典禮》。（梁碧玲攝）
諾懿笑稱歲半的囝囝峰峰比較痴自己，所以經常惹來太太的妒忌，但亦是自己最值得驕傲的地方。他說希望可以湊夠一個「好」字，再生個囡囡：「因為我已經有個好得意嘅囝囝啦，希望可以有個好得意嘅囡囡，但係我哋係純天然，冇刻意去營造要生仔定生女，不過希望個天會畀個女我啦！」
黎諾懿稱囝囝峰峰現時很擅長講「外星話」，試過有次與Ali出席活動時與囝囝視像通話，峰峰見到Ali都會跟她大講「外星話」，令她聽到一頭霧水。（梁碧玲攝）
諾懿上星期到溫哥華擔任《溫哥華華裔小姐競選2018》的表演嘉賓時與很久沒見面的鍾嘉欣再次聚首一堂，「投訴」嘉欣掛住照顧BB沒時間帶他遊覽溫哥華，不過諾懿有去探過嘉欣的BB：「佢囝囝好得意，好健康，我估佢好快就會帶佢返嚟同大家見面㗎喇！其實我個仔都係大過佢少少咋，我個仔係哥哥，咁可以帶佢喺香港周圍玩，到加拿大就係佢個囝囝照顧返我囝囝啦！」
諾懿稱溫哥華的溫度雖然只有零度，不過其實感覺與香港的16度差不多，雖然地上結霜，但他都只是穿上兩件衣服和一件薄羽絨就覺得足夠。（梁碧玲攝）