【兄弟】伍允龍朱晨麗CP收成正果　英國求婚兼影鬼馬婚照

由朱晨麗（朱朱）、王浩信、楊明、伍允龍等主演TVB台慶劇《兄弟》進入結局篇，幾對主角的感情線亦成為焦點，最終由朱朱及伍允龍率先「跑出」！戲中扮演何鐵男一角的伍允龍放下硬漢形象大玩浪漫，向「女神」朱朱求婚，二人隨即於倫敦多個名勝景點包括敦倫橋等，拍婚照留念。

談到這輯婚紗照果然與別不同，朱朱笑謂：「好多動作甫士都係我哋自己創造嘅，佢展武功我就展舞功。佢有咁好嘅拍檔即係我，先至會有咁嘅畫面啦！」雖然只是拍道具相，二人一點也不馬虎，跳高加一字馬「惡鬥」，大展活力與身手，創造出一輯「潮爆婚照」。

現實生活中或許暫未有計畫披婚紗，但朱朱卻難掩憧憬的心坦言：「我自己都有諗，其實第二時係咪要去歐洲，搵啲最浪漫嘅地方影（婚紗）相囉。」至於戲中如王浩信及江嘉敏等會否一樣如他們「收成正果」，朱朱笑答：「唔可以劇透喎，我只可以話我哋應該係最sweet嗰pair，真係進展得比較快。」