【多圖】馮盈盈余思霆著住晚裝　勁 Chok 示範「周身痛POSE」

馮盈盈一向古靈精怪，本身斯斯文文嘅前華姐冠軍余思霆拍埋去，都唔小心被傳染！日前二人盛裝出席《歡樂滿東華》，兩個女仔老友鬼鬼，即場影咗個幾連拍，有啲正正經經，有大部份都係搞笑，余思霆將二人合照放上IG，獲網民大讚又靚又可愛。

余思霆在IG上載同馮盈盈嘅搞笑合照，封面張相好正經，但Click落去就好搞笑，余思霆跟馮盈盈擺Chok 甫，但又忍唔住笑，雖然馮盈盈chok晒樣，扮晒cool，但反而令人覺得搞笑，佢絕對有潛質做「冷面笑匠」。余思霆留言話：「學盈Style，但卻忍不住笑。」佢仲形容啲pose為「肚子痛」、「頭痛」、「全身痛」。而「師傅」馮盈盈都留言：「這個徒弟我可以😎」

之後開始嚟料，點擊圖片：

余思霆同馮盈盈係同一屆國際中華小姐，當年一齊去馬來西亞參選，兩人仲好有緣地被分配同一間房添！所以兩人建立咗友誼，難怪咁夾咁有默契！