獲林俊傑送上驚喜聖誕禮物 孫燕姿都唔捨得買嘅相機到底有幾勁?

撰文:洪曉璇
出版:更新:

普天同慶嘅聖誕節,大家今年收到咩聖誕禮物呢?好多時睇到心儀又唔捨得買嘅禮物,都會暗暗希望聖誕老人可以送到手中。孫燕姿話晒都係樂壇天后,但一樣有睇到好鍾意但嫌貴唔捨得買嘅嘢,今個聖誕終於願望成真,好友林俊傑一擲千金買嚟送畀佢令燕姿相當興奮。到底係咩禮物連天后都嫌貴唔捂得買呢?

孫燕姿7月尾誕下囡囡後一直未復工,享受做全職媽媽樂趣。(孫燕姿FB)

孫燕姿婚後減少工作,育有5歲囝囝納小子,今年7月底再誕下囡囡Poppy湊成好字。呢日佢喺Facebook分享收到一份夢寐以求嘅禮物,但送禮者居然唔係佢老公面係林俊傑噃﹗「有這麼一個溫暖的男生,知道我六個月前想要買這台相機。但因為太貴了,我猶豫再猶豫。《他說》珍貴的時刻要記錄下來,就在這個聖誕把它送了給我。不是禮物的價格,而是在百忙之中,他還想到我,讓這個聖誕更快樂。」

諗足半年都唔捨得買嘅心頭好忽然出現喺眼前,JJ呢個驚喜實在太大了﹗(孫燕姿FB)

呢部連孫燕姿都覺得太貴唔捨得買嘅相機,正正係有相機界勞斯萊斯之稱嘅Leica,紅底白字Logo相機係攝影發燒友眼中殿堂級嘅聖物。JJ送畀燕姿嘅呢部Leica Q Silver (Typ 116),配備全片幅高像素感光元件,以及超大光圈Leica Summilux 28 mm f/1.7 ASPH.定焦鏡頭,喺大部份環境都無需依靠閃光燈拍攝,要價達16萬新台幣,折合港幣約36000!

被譽為相機界勞斯萊斯之稱嘅Leica,應該個個攝影發燒友見到都心動。(孫燕姿FB)