黎諾懿上台前苦練《一生愛你一個》 慘遭老婆投訴：嘈住個仔瞓覺
撰文：賴家杰
出版：更新：
黎諾懿今日趁住聖誕節（25日）出席商場活動與一眾街坊共度佳節，除了與街坊玩遊戲之後，諾懿笑言今天會開金口唱鄭伊健的《一生愛你一個》。諾懿解釋聖誕開工是為了搵真銀：「而家搬咗屋，一闊三大，我唔食，阿仔都要食㗎，老婆同阿仔而家去咗食自助餐，我就做嘢囉，老婆同我講你做嘢得，唔洗食。」
黎諾懿今日（25日）揀咗鄭伊健嘅歌曲《一生愛你一個》唱，會唱成點？記得睇片。（梁碧玲攝）
黎諾懿曾經唱過《一生愛你一個》這首歌好幾遍，可以說是相當熟悉，而選擇這首歌的原因並不是唱慣唱熟：「今日揀伊健嘅歌係要幫佢，因為佢就快開演唱會嘛，唱下佢嘅歌。」
諾懿解釋上次台慶伊健叫佢上台一齊唱《友情歲月》唔唱嘅原因，「佢主場嚟嘛，我上去一齊唱，搶佢風頭，俾公司雪點算。」（梁碧玲攝）
諾懿透露他在活動前一晚，即平安夜，苦練了一段時間，可惜給老婆投訴「不太平安」：「我老婆鍾意聽啲識唱歌嘅人唱，我琴晚練嘅時候佢同我講話會嘈住個仔瞓，都唱咗咁多次，不如唔好唱，佢成日覺得我唱歌係噪音。」
諾懿透露現在準備人生大計，就係要生多一胎。（梁碧玲攝）