【新城勁爆】點解要反擊外國辱華歌曲? MC Jin:我想囉!

撰文:林迅景
出版:更新:
MC Jin真係驚喜嘉賓之一。(葉志明攝)

MC Jin日前(12月29日)出席《新城勁爆頒獎禮2018》,上台之演唱兩首歌曲之餘還替大會頒發多個獎項。回到後台之際,MC Jin還表現的相當興奮。MC Jin接受《香港01》訪問時指,自己在2008年到香港發展時也曾在新城頒獎禮上領獎。「我仲記得寫嗰首歌(歌名:ABC)係24歲,呢個呃唔到人,因為有句歌詞係『我今年24歲真係無乜變』,如果再唱就要Update下變做『我今年36歲...』。」

聽MC Jin唱Live真係好正。(葉志明攝)

外國Rapper Lil Pump歌曲中辱華 MC Jin一分鐘rap完美KO

近日拉美裔Rapper Lil Pump在Instagram上發佈的新歌《Butterfly Doors》中有辱華成份,而MC Jin其後就rap了一段50多秒的rap反擊。MC Jin說:「有時啲嘢就係,喂,我想囉。你話呢個係咪rapper精神,有啲嘢諗到,想表達,但係我表達並唔係因為大家想我去表達,係因為我真係發自內心去表達。點解我第一句就話:『This is not a Dis song。』因為我想回應嘅並唔係呢個人物,亦都唔係回應呢一刻大家關注嘅熱點。我哋想Focus嘅其實係個問題,個問題就係,2019都嚟啦,大佬,你就算係要種族歧視,都搵啲新鮮啲啦。我13歲開始Battle嘅時候,都已經係呢啲『你個Ching Chong』,我哋可唔可以先進啲吖?」