林芊妤笑囝囝大食每日飲一公升奶 黃芳雯想追豬B望一喜擋三煞
撰文：洪曉璇
出版：更新：
香港好多事業心重嘅女性，不過一去到做媽媽，都會被仔女所溶化。Coffee林芊妤自從生咗囝囝Baby Chak之後，就成副心機放落湊仔度。呢日佢為香港開電視新春節目《豬年人人行好運》錄影，都係開口埋口提起囝囝﹗Coffe笑言囝囝係大食仔，依家一日飲足一公升奶，好在自己母乳量都足夠，希望可以堅持餵到6個月以上。
Coffee話囝囝就嚟出世一百日，不過就唔會大搞百日宴，同家人簡單食飯慶祝就夠啦。
+1
節目仲搵嚟黃芳雯（Paula）、李麗珊（Lisa）、及鄺芷凡（Omi）擔任嘉賓，連同節目主持李尚正、盧頌恩（妹頭)）與蔡興華師傳一同炮製新春開運菜，預告豬年運程！蔡師傅即場為Coffee及囝囝批命，Coffee笑指希望三年抱倆，豬年為Baby Chak添個細佬或妹妹。而Paula聽到Coffee咁講都即刻話想追「豬B」，因為自己屬豬犯太歲，向師傅追問生B能否以一喜擋三然。新任人妻Lisa剛蜜月返港，就話生B順其自然，見前最緊要係要準備換新鈔新年派利是！
黃芳雯囝囝就嚟兩歲，佢都有意追返個豬BB，而新手人妻李麗珊就想先過下二人世界先啦。