薛凱琪開拓品牌升格做薛董:未來希望傾下大茶飯﹗

撰文:洪曉璇
出版:更新:

唔少藝人都有副業,飲食、首飾、服裝樣樣都有,最近薛凱琪積極開拓自己服裝品牌,升格做薛董:「咁做藝人都好鍾意衫,比較留意潮流,可以將自己興趣變成生意,個感覺都幾幸福。」阿Fi近日仲獲邀出任成都「新經濟城市品牌代言人」,佢就話:「其實今次代言其中一個理念,都係鼓勵年青人喺創業方面勇敢作出新嘗試,去追尋自己的夢想,未來有機會都想同當地年青人交流心得,傾下大茶飯!」

阿FI最近升格做服裝品牌老闆,瞓身搞生意做埋MODEL拍攝宣傳照。(薛凱琪IG)
+1

大會指Fiona在歌、影、視三棲發展,與成都的城市發展信念非常一致,所以邀請佢做呢個「城市」代言人。阿Fi坦言今次責任重大壓力唔細呀:「以前做過好多品牌代言,都係實體Product比較多,今次做城市代言人就比教虛無,可能佢地睇中我係演員同歌手之外,仲做過做美指、導演,相對上比較多元化,所以我都要做好自己,如果唔係就失禮成個城市。」

代言人阿FI就做得多,但代言整個城市都係第一次,搞到佢都話有啲壓力呀。

成都當地亦支持薛凱琪的生意大計,希望將文化、創意慈善和城市新經濟體融合:「搵唔搵到大錢就後話,我成日覺得藝術係城市發展好重要嘅原素,因為藝術除了可以影響其他人,同時都代表著無限創意同可能性,所以未來我可能喺成都放多少少時間,做好我呢個代言人。」

+6