郭羨妮入圍亞洲電視大獎視后：信心一定要有！
撰文：葉詩
出版：更新：
郭羨妮（Sonija）今日（10日）出席環保活動分享自己的環保心得：「去街食飯食剩打包咪有啲膠盒嘅，我就唔會扔啲膠盒，會循環再用洗乾淨再用來裝嘢，用完啲玻璃樽，由好耐之前已經習慣再用嚟裝啲海味、乾貨之類，紙方面亦會用晒兩面，小朋友之前啲功課，後面都會再用嚟寫筆記。」
郭羨妮平日亦會教囡囡養成環保的習慣。（賴家杰攝）
談到由郭羨妮主演、正在上映的電影《朝花夕拾 芳華絕代》（簡稱《拾芳》）口碑不俗，Sonija則表示：「希望多啲人去支持呢套本地嘅作品，真係一群有心有力有火嘅人，去將梅艷芳小姐嘅好帶出嚟俾大家睇，希望多啲人會入場睇。」
郭羨妮呼籲大家多入場支持由梅姐故事改編的電影《拾芳》。（賴家杰攝）
郭羨妮憑港台劇集《獅子山下2017》單元劇《秘密》，入圍亞洲電視大獎最佳女主角，Sonija就話：「信心一定要有！其實可以入圍呢個獎項，自己已經當贏咗。收到呢個消息嘅時候已經好開心，因為呢個唔止係一個（電視）台咁簡單，係全個亞洲嘅國家去比賽，咁有得入圍咪已經好犀利囉，所以已經當贏咗。」