【勁歌金曲2018】做首個歌影視大滿貫女藝人? 胡定欣:唔敢諗!

撰文:賴家杰
出版:更新:

胡定欣憑《無悔無愧》歌曲奪下《勁歌金曲頒獎典禮2018》的「勁歌金曲」獎項,定欣直言是多年來首次奪下個人歌曲獎項:「《深宮計》今年收視都好好,呢首歌曲拎埋獎真係好完美。」

胡定欣憑《無悔無愧》歌曲奪下《勁歌金曲頒獎典禮2018》的「勁歌金曲」獎項。(黃國立攝)

歌唱事業逐漸起步,定欣坦言不敢想這方面的事:「我認識一啲歌手朋友,都知呢條路唔易,我係鍾意唱歌,但係主要拍戲拍劇,都係演戲啦,但都想繼續練好自己嘅歌聲。」

定欣希望開一個音樂會與粉絲交流。(黃國立攝)

除了歌唱事成績很好之外,定欣憑電影《逆流大叔》中一角也入紙申請提名香港金像獎最佳女主角,更被網民形容繼古天樂成大滿貫男藝人後定欣是最大機會能成女藝人大滿貫,定欣回應其實自己也不太清楚:「第一下真係有啲嚇親,我都特登去了解過,因為我唔清楚,其實佢哋每一套電影好多人都有份提名,呢個係最初步提名,都唔知有冇機會,但我覺得佢哋擺我上呢個台,真係好畀面。」

定欣對《金像獎》中的「最佳女主角」能否入圍最後5強,她直言不敢想。(黃國立攝)
+2