擲5百萬投資物業蕭正楠無份 黃翠如：私己錢分清楚好啲
撰文：吳子生
出版：更新：
黃翠如今日（15/1）出席在將軍澳舉行的迎新春活動。每逢過新年，家家戶戶都會在年28大掃除，將家裡穢氣掃走，寓意除舊迎新。翠如笑言：「如果唔使開劇，一定會同屋企人執屋啦，因為大掃除係最痛苦而又係大家都唔願意做嘅，不過最慘大家都要開工，我屋企棵聖誕樹仲未拆，我諗梗好唔好將啲利事掛係棵聖誕樹度，變做新年樹。」會唔會買紅色內衣褲過年？「我冇咁嘅概念，等我問下蕭正楠有冇呢個習慣先，而我自己就冇買開。」會唔會今年試吓，可能旺一旺先？「咁我一陣間過隔離買返啲紅底褲先。」
翠如表示爸爸從來都不會為自己鋪排任何事。（黃國立攝）
有傳黃翠如爸爸豪擲5百萬，用愛女名義購入上環一個商業單位，目的是助女兒踏入商界鋪路。翠如澄清說：「唔知呢個報導點樣嚟，我只係買咗一個好細嘅物業，係我自己買嘅，咁當然正常係用我個名啦，只不過係一個少少投資，咁同我爸爸，同蕭正楠兩人都冇關係。」買前有沒有與蕭正楠商討過？「冇呀，佢係大概咁知吓，我哋今時今日女仔要好獨立，唔可以畀太多嘢佢哋知嘅，私己錢分得清楚會好啲。」
翠如應為兩公婆在財政方面分開清楚，較為理想。（黃國立攝）
+5