《開心速遞》吳偉豪樂同周嘉洛繼續hehe派糖:睇編劇點樣寫

撰文:張嘉敏
出版:更新:

無綫處境劇《愛·回家之開心速遞》收視報捷,這夜舉行祝捷暨團年晚宴,於劇中飾演朱凌凌的吳偉豪亦有出席。朱凌凌與Miss Tong (楊秀惠飾) 的感情線經已完結,不過他在劇中仍有另一個CP對象,就是他的好兄弟金城安 (周嘉洛飾) ,兩人不時會在劇中大搞hehe情節,觀眾同網民亦都非常受落,甚至當正兩人是一對CP,睇得好開心。對此,偉豪表示:「希望可以拍多啲觀眾鍾意嘅嘢,帶多啲歡樂畀大家,主要係睇編劇點樣寫。」

吳偉豪新一年繼續忙於拍《開心速遞》。(葉志明攝)

問到他可會介意演這類hehe鏡頭,他說:「做演員拍劇無得介意,要跟住個劇本去做,投入朱凌凌個角色。(驚唔驚到最後真係會同金城安成為一對?) 如果係咁樣寫咗都唯有接受。」他又謂想劇入面有個女朋友,但明白到不能夾硬加插,要順其自然。新一年除了拍劇,他也想玩返音樂:「我有玩結他,玩咗有一年多啲,想自彈自唱。(想向歌手方向發展?)又無諗咁多住,要做好手頭上嘅嘢先。」

吳偉豪好鍾意音樂,希望可以自彈自唱。(葉志明攝)
+3