鍾欣潼收老公生日禮物時播《分手快樂》 蔡卓妍為老豆感到驕傲
撰文：張嘉敏
出版：更新：
Twins的蔡卓妍 (阿Sa) 與鍾欣潼 (阿嬌) 孖住出席活動，早前確診患上甲型流感的阿嬌表示自己仍未完全康復：「康復緊，好快會好返，之前自我隔離都將痛苦，老公呢排唔喺身邊，佢去咗做嘢，就快返㗎喇。」剛過了生日不久的她又透露老公送了一條頸鏈給她做生日禮物：「但係最搞笑係當時我哋喺卡拉ok，其他人未到嘅，佢送禮物畀我時係播住《分手快樂》呢首歌，勁尷尬嘅。」而阿Sa與容祖兒夾份送給她的禮物則還在製作中，因為是訂製的。
Twins孖住出席活動。（梁碧玲攝）
另外，提到阿Sa與她失去聯絡了25年的工人姐姐重逢，由於是她爸爸尋回呢位姐姐，她開心地表示：「我好耐未試過為我嘅老豆感到好驕傲，我覺得佢好犀利，咁都搵得返。」阿Sa又話日前吳雨霏send訊息給她：「佢話我嗰個姐姐原來喺佢朋友屋企做嘢嘅，而佢嗰個朋友又同我住得好近，呢個世界真係好細。」雖然成25年沒見，阿Sa和她的工人姐姐都認不到對方的樣子，但對方一見到阿Sa的笑容就認得了：「因為佢話我啲牙同細個嗰時一樣。」
阿Sa叫阿嬌今年封大封啲利是畀佢。（梁碧玲攝）
+1