古巨基赴京演出忙到冇飯食 秦嵐出手拯救五阿哥
撰文：洪曉璇
出版：更新：
古巨基最近忙個不停，呢日又去到北京。
古巨基最近忙於宣傳同胡定欣合唱嘅新歌《亂世情侶》，為4月紅館演唱會綵排，仲要周圍飛商演搵真銀，真係一日48小時都未必夠用。19號佢又飛到北京《央視元宵晚會》，飯都未食就趕住綵排，好在遇到好友秦嵐，五阿哥同知畫又再重聚，令唔少網友高呼好有愛﹗
元宵晚會中，基仔以熒光綠高領衫襯beige colour大褸，唔少網民都留言指咁大膽嘅顏色唔係人人都carry到。
基仔上咗《央視元宵晚會》唱出經典金曲《情歌王》，為中式情人節增添浪漫氣氛。由於節目時間有限，基仔將首歌縮短成三分鐘版本，網民都表示三分鐘完全唔夠喉，好想聽到十二分鐘完整版！佢喺後台撞到《延禧攻略》飾演皇后嘅秦嵐，佢知道基仔一落機就趕住去綵排，飯都食唔切，於是就請基仔食餃子，而基仔都好識做，即刻出Post多謝皇后啊！
基仔飯都食唔切就趕去綵排，好在遇到老友秦嵐請食嘢咋。（古巨基IG）
之前秦嵐來港宣傳時，基仔都有一盡地主之誼，仲安排佢同心目中嘅女神周慧敏見面。（古巨基IG）
+7