【東張西望】陳智燊終極目標四年抱三 宋熙年：佢當我生仔機器
撰文：吳子生
出版：更新：
宋熙年笑言自從囝囝出世之後，生活變得很充實，每晚只訓得4個鐘。（梁碧玲攝）
無綫電視節目《東張西望》由2005年首播至今，已經超過13年，每集緊貼追蹤社會大事，深受市民追捧，收視創佳績，並宣布喜訊由3月3日起連續7天播放，為答謝一眾節目主持及幕後團隊，無綫電視今晚（21/2）在電視城舉行春茗聯歡晚宴，出席節目主持有宋熙年、陳貝兒、潘梓鋒、陳庭欣等。
宋熙年今晚出席《東張西望》春茗聯歡晚宴。（梁碧玲攝）
貴為一子之母的宋熙年表示節目播足一星期，對湊B影響不大：「因為我唔會做足7日，通常都係做一兩日錄影，其實反而湊b真係忙足一星期，作息時間改變咗，早起但好夜訓，變相長時間失眠，有啲朋友話我點解瘦得咁快嘅，因為我真係冇乜點訓呀，自己又好多嘢都唔放心，訓訓下又好容易會醒，老公知我辛苦，佢都好落力幫我湊B，如果佢喺屋企一定幫B換片，所以我個仔好鍾意佢，喺換片嘅時候，囝囝斟多幾杯茶畀佢係應該嘅（痾尿射落佢度），哈哈！」（有冇諗住再添丁？）「我有諗過生呀，諗住三年抱兩，但我老公想我生三個小朋友，佢話想四年抱三，佢真係當我生仔機器，哈哈！」