【妻子的浪漫旅行】張智霖經常「給人家幻想空間」 袁詠儀嬲到爆

撰文:鄺鈺瑩
出版:更新:

袁詠儀(靚靚)同張智霖(Chilam)結婚18年以來一直恩愛,二人近日更齊齊參與內地綜藝《妻子的浪漫旅行2》,之不過,由於旅行部分係由靚靚、謝娜、章子怡、包文婧、張嘉倪進行,沒有老公的日子,靚靚大感不慣,最後淚灑當場,令觀眾罕見袁詠儀小女人嘅一面。

袁詠儀雖然百分百相信老公張智霖,但亦會因為佢不時予人幻想空間而感到生氣。

而喺最新一集中,袁詠儀提到當年同張智霖時,身邊好友喺一次飯局上與周潤發夫婦同檯,席上,發嫂透過朋友向袁詠儀作出溫提:「這個男的靠不靠譜?長得那麼帥。你叫她小心一點。」袁詠儀表示當年身邊唔少朋友都唔喜歡甚至懷疑張智霖,原係係佢外表睇落花心,而二人亦曾因為緋聞而吵架。「他當時問『我一點安全感都給不了你嗎?』,他這樣罵了令我覺得好像是我不對,但到了第二天,我說『安全感應該是你給我,並不是我相不相信你。』」靚靚指二人交往多年,雖然唔可以話無問題,但都叫順利,而身邊嘅朋友喺接觸過張智霖後,亦都開始喜歡他。
 

靚靚又提到每次有緋聞傳出時,雖然知道唔係真,但由於記者都一定會搵佢問回應,所以感到十分煩厭,她更直指張智霖「不是給人家機會,是給人家幻想空間」對於「機會」呢樣嘢,身為人妻嘅章子怡亦都十分認同,更透露不時都會叮囑老公汪峰唔好創造誤會嘅機會,就連微信都唔可以亂加好友。聽到兩位老婆大婆嘅「機會論」,汪峰就苦笑住咁話:「連幻想都不讓了,太狠了!」,而張智霖就不停咁搖頭嘆氣,非常好笑。其實靚靚之前喺節目都有提過曾經有女星唔只煲湯,仲買埋被鋪送比張智霖,雖已係舊事一則,但靚靚每次提起都非常火滾。而喺節目尾聲,張智霖認為同袁詠儀嘅相遇,既係幸運亦都係不幸,「幸運就是能碰到她,不幸就是知道我們的相遇,始終會有分開的一天,人始終會老去、會死,要先走或後走,不由你作主的。」張智霖更認為開心嘅時候要留返一點空間,留待悲傷時用。「我們已經非常幸福,沒有什麼太多要求。」如此深情告白,除咗打動老婆之外,亦令唔少網民大叫感動。

由於家人反對,章子怡當初同汪峰拍拖時,只能偷偷租住與父母同一大廈嘅另一單位,點知有次與汪峰外出時,喺電梯撞到父母與其他親戚,埸面尷尬到極點。估唔到外表強勢嘅章子怡,都會有嘢怕。
+5