蘇永康演唱會6月舉行 黃子華陳奕迅做嘉賓後台幫手湊仔
撰文：吳子生
出版：更新：
蘇永康《All That Jazz (&Pop)》演唱會2019今日在香港仔舉行記者會，宣佈今年6月21、22日於香港紅磡體育館舉行。黃子華今日更現身站台支持好友蘇永康（阿公）：「阿公相隔8年再開演唱會，請埋中樂團成隊軍隊咁，玩埋中西合璧，成個台啲人加埋成90幾人，企都冇地方企，成個 Music show軟件仲多過硬件。」
阿公笑言黃子華，陳奕迅在演唱會舉行當日來到，最好留在後台幫手湊住佢個仔。（葉兆康攝）
阿公笑言：「平時啲Show請嘉賓會容易啲，因為今次同廣州中樂團合作都成86人，佢哋未必隨時起得到歌，因為佢哋要睇譜，所以會有少少困難，不過到時都會有嘉賓上台，其實我個人都幾貪心，好少會請重覆嘅嘉賓嘅，本身我有合唱歌，我會邀請一啲年輕嘅歌手合唱，唱一啲佢都可能未聽過嘅歌曲，例如有《從不喜歡孤單一個》又或者《來日方長》，睇下到時會唔會擦出一啲新火花。」
阿公表示為了今次演唱會，暫時用了個幾月時間，狂做運動及節食減了十多磅。（葉兆康攝）