【反黑】積極減肥等新一季6月開工 陳嘉桓：鎖骨都出返嚟！
撰文：吳子生
出版：更新：
陳嘉桓（Rose)今日（15/3）出席在大埔舉行的《2019台灣小鎮漫遊·人氣田園節》活動。台灣出名多特產及地道味食，連Rose都讚不絕口：「基本上我一個月或者個半月嘅時間我就會飛去一次，每次嘅配搭都唔同，會同朋友同屋企人去，有時仲會一個人飛過去搵我啲台灣朋友，再等天氣再熱啲，我就會去學衝浪。」
新一輯《反黑2》中，陳嘉桓與彭敬慈有感情線。（吳子生攝）
宣佈減肥成功嘅Rose，透露《反黑2》再過多3月時間就準備開拍，還會與彭敬慈有感情線：「上輯要我增肥，但新一輯我就唔使再咁肥啦，因為講我喺感情方面受到打擊，之前減得咁身苦，減咗成十幾磅，依家塊面V咗，目測鎖骨都出返嚟，所以都會Keep住唔好畀自己肥，趁喺呢段未開機拍嘅時候，我仲可以留長頭髮，慢慢享受女仔啲嘅感覺。」
Rose透露等天氣熱啲，到時就會派福利畀大家喎。（吳子生攝）
+14