誓要學楊紫瓊做打女 陳雅詩：佢打得好有霸氣 係我偶像
撰文：吳子生
出版：更新：
陳雅詩(Bonnie)今日（22/3）亮相尖沙咀舉行的《港生活·港享受之遊艇主義》記者會。Bonnie表示自己好喜歡一大班朋友出河遊船河：「自己本身好容易暈船浪，所以每次出海前都要食定暈浪丸，雖然自己都好鍾意遊艇，我諗要做多幾年嘢先，希望公司畀多啲嘢我做，到時儲多啲錢先再考慮。」
熱愛運動的Bonnie，近日學打拳為做打女鋪路。（吳子生攝）
Bonnie憑無綫劇集《荷里活有個大佬千》中，飾演芬芳一角演技大獲好評，備受視迷關注。Bonnie開心話：「拍呢套戲真係過足戲癮，自己好鍾意演戲，咁所以希望多啲機會再去演戲，我近來學梗打拳，如果日後有打女角色，我諗都幾好玩，咁所以我好想嘗試新嘅挑戰，好似楊紫瓊咁，佢一打起上嚟係好有霸氣，咁所以我覺得佢好犀利，佢係我偶像嚟。」
Bonnie非常注重健康生活，每星期必抽時間做運動，讓自己保持健康體魄，迎接每日新挑戰。（吳子生攝）