楊千嬅巡迴演唱會感壓力 閉關修行最怕患感冒
撰文：賴家杰
出版：更新：
楊千嬅世界巡迴演唱會將於3月30日在廣州舉行首場，千嬅為巡演也日夜排練為了做到一百分獻給粉絲，第一次做國內城市巡演千嬅直言是會緊張：「其實每個城市都有唔同氣候，要適應都要自己有一個好嘅體能同適應能力，所以好努力鍛煉身體同保養自己，我都閉關好耐冇見人，首先係要休息，同埋怕行嚟行去怕容易病。」
楊千嬅世界巡迴演唱會將於3月30日在廣州舉行首場。（梁碧玲攝）
千嬅為了一整年的巡演也付出了很多，例如在飲食方面也注重清淡，她透露目前已減了十磅：「其實一做show就自動波有個餐單，但反而今次挑戰唔係一兩個月嘅體能，而係一年嘅耐力，呢個係特別挑戰，但我唔想自己太瘦，因為到呢個年紀嘅機能，健康真係好緊要，唔會好似以前減到咁瘦。」
為了演唱會早前千嬅已去到廣州預演了一場給自己觀看，但當天千嬅穿5吋高跟鞋採排時候差一點受傷，千嬅回應這類型狀況一定會出現：「預咗㗎喇，但又唔係真係好危險，舞者佢哋仲危險，都受咗少少傷，好彩冇事，希望大家到時夠時間休息。」
千嬅對今次巡演感到緊張，因要保持一年的體能良好是很困難。（梁碧玲攝）
+3