【利瑪竇】與王梓軒首度合作舞台劇 陳潔儀每日都有靚仔睇
撰文：賴家杰
出版：更新：
陳潔儀（Kit）與王梓軒最近一段時間也忙著由他們主演的舞台劇《利瑪竇》的採排，二人今天（25日）一同出席慈善活動，Kit直言今天是難得的放假天：「最近成日都見面，但好開心，每日都有靚仔睇，不過對我嚟講做音樂劇最開心係可以同時做我幾樣最鍾意嘅事，分別係唱歌同演戲，最令我興奮係臨場感。」
陳潔儀（Kit）與王梓軒最近一段時間也忙著由他們主演的舞台劇《利瑪竇》積極採排。（梁碧玲攝）
Kit更大讚梓軒是一個很醒目的人：「梓軒好多事情都好醒，我之前有聽佢唱歌，但冇現場聽，同埋佢音域好廣，佢仲有好多表達方式，所以佢下次演唱會要請我。」梓軒在旁一直不說話，他事後解釋Kit說在讚他時不要說話。
雖然Kit大讚梓軒是一個很醒目的人，但也常常嘮叨梓軒，全因為他太貪玩，梓軒聽到笑言：「我比較鍾意同團隊玩，因為團隊好團結一致，不分你我，劇中雖然好多前輩，但都有好多啱啱畢業嘅訓練生，我哋會一齊玩同研究劇本，最正係會互相補位，因為我哋忙緊，佢話會幫我哋記住採排位置。」
梓軒指今次舞台劇學到好多嘢。（梁碧玲攝）