【開心速遞】劇情大暴走耆英組合大玩Freestyle 網民:推到出道

撰文:張嘉敏
出版:更新:

無綫高收視處境劇《愛‧回家之開心速遞》至今已經播出了500多集,收視和口碑均愈來愈好,深得觀眾同網民的喜愛,最近更連續多個星期蟬聯TVB收視冠軍。難得的是劇情仍然充滿新意,而且緊貼時事、潮流,且不時會出現大暴走情節,非常爆笑。繼日前群姐 (許思敏  飾) 當眾除衫搶Fo的一幕之後,昨晚播出的一集亦令大家好驚喜,睇得好開心。

大四喜真係好正呀!(電視截圖)

昨晚劇情講述由熊樹根 (劉丹  飾)、龍敢威 (羅樂林  飾) 、譚道德 (陳榮峻  飾) 以及豹叔 (黎彼得  飾) 這四名耆英組成的Hip Hop組合「大四喜」去參加電視台的音樂節目比賽,雖然四人加埋成276歲,但一身型到震的Hip Hop打扮絕不輸給一眾後生仔,完全carry到呢個style。最搞笑是他們雖然不知道大會主題「IG」是甚麼,卻能發揮急才即場Freestyle rap得似模似樣,令全場拍爛手掌,更有現場觀眾聽到喊,呢幕明顯是影射內地電視節目上觀眾的浮誇反應。網民紛紛開post大讚今集高質又好笑,歌詞亦好有意思,而這隊大四喜歌中的一句「乜嘢係IG我哋唔知,淨係知......」更火速成為洗腦歌,有網民仲話要推出他們正式出道。

熊家睇得好開心!(電視截圖)

以下就係今集嘅精華片段。

+41

即刻投票,揀選你心水男、女主角,仲有你最撐嘅香港電影,即有機會獲得戲飛。

《香港電影我撐場.民選大獎2019》投票專頁:https://voteforhkmovies.hk01.com/