吳綺莉又報警搵女 吳卓林大感無奈:媽媽係需要睇醫生

撰文:鄺鈺瑩
出版:更新:

現年19歲嘅吳卓林,自去年與同性太太Andi結婚並回流香港後,曾租住旺角公寓,但由於欠租關係,最後搞到房東要報警處理,而吳綺莉當時亦馬上趕到現場,並代女兒繳清房租。

吳綺莉近年為了吳卓林經常報警。(ig圖片)

吳卓林之後雖然有搬返吳綺莉位於大坑嘅寓所,但原來都只係暫住,因為吳綺莉又報警尋女。事源昨晚一名女子報警,聲稱有人被反鎖於油麻地一幢唐樓嘅單位之內,懷疑有危險,大批消防人員趕至,發現事主沒受傷,不用送院,警方列作誤會處理。吳卓林今日接受傳媒訪問時確認係媽媽吳綺莉報警,並十分無奈表示「我都唔知佢想點。」吳卓林透露由於消防人員逐戶拍門,驚動了其他住戶,令她感到十分尷尬。

吳綺莉喺2017年曾報警指閉門失竊,涉財物達17萬元。(資料圖片)

吳卓林表示由於媽媽未能接受其妻Andi,故一直沒有聯絡,但就有與吳身邊好友溝通,她更認為媽媽需要睇醫生。至於可會修補母女關係,吳卓林認為媽媽係發脾氣,為怕對方再受刺激,故將會回覆短訊。

+3