【鐵探】袁偉豪即將進軍國際市場? 「呢個絕對係可以紀念嘅事」

撰文:賴家杰
出版:更新:

袁偉豪今天(9日)出席TVB電視劇《鐵探》的宣傳活動,劇集播出一星期,眼見收視反應十分理想他亦相當興奮:「我對《鐵探》成套劇都十分有信心,台前幕後都精心打造呢個故事,希望帶到畀觀眾有娛樂。」

袁偉豪於活動上劇透,指今個星期《鐵透》劇中有高層將會失勢。(梁碧玲攝)

《鐵探》這部劇集除了收視和反應十分好之外,另一個好消息就是Netflix平台會播出《鐵探》,這對演員來說也是一個進軍國際的好機會,袁偉豪十分認同:「呢個絕對係一個好景像,先唔講我哋製作媲唔媲美到外國都好,但我哋香港都盡最大努力去做,對公司同演員都有各方面好,呢個係絕對可以紀念嘅事。」

袁偉豪笑言盡量也會常與網民互動,大家能交流一下。(梁碧玲攝)

提起近日一件不愉快的事在袁偉豪身上,有網民指跟他合照完立即變臉耍大牌,袁偉豪也在社交網站回應,對這件事情他說到完全沒有生氣:「我覺得咁啱嗰一下想同佢傾偈咪傾下,我都唔記得呢件事,但我都有盡量回應呢個情況,可能當時我唔想太高調或者太攰,影完相想快少少食完碗麵就走,少不免會有呢啲情況發生,我都有同網民講大家都唔認識,唔可以憑我唔笑就判斷我人格,後來佢都有私訊覆我,話明白我,會支持《鐵探》,咁我又覺得幾好,大家有傾有講,唔好只係將負能量帶出嚟。」

袁偉豪指認識他的人,都知道他不會耍大牌。(梁碧玲攝)
+1