黃心穎主唱《在心中》被換成純音樂 作曲張家誠︰TVB安排嚟嘅
撰文：李婉文
出版：更新：
著名作曲人張家誠（Alan）今日（21日）出席《小明星練習生決賽》並擔任評判，他坦言自己好喜歡小朋友，揀選優勝者方面就覺得︰「最緊要開心囉，同埋畀心機看待自己嘅表演，將自己嘅快樂帶到畀身邊嘅人，我覺得呢個係最重要嘅。」他坦言跟小朋友相處雖然隨心，但都一定要有愛心，對小朋友一定要有愛，就自自然然會相處得好。
張家誠今日（21日）出席小明星比賽擔任判審。（梁碧玲攝）
黃心穎和許志安因為近來被爆出的士車廂激吻事件而轟動全城，由心穎主唱的《愛·回家之開心速遞》主題曲《在心中》也被換為歌曲的純音樂版，Alan身為這首歌的作曲加編曲，被問到會否覺得可惜，他表示︰「都唔係嘅，公司TVB嘅安排嚟嘅，都明白嘅。」
Alan近年與TVB合作無間，包辦很多耳熟能詳的劇集主題曲。（梁碧玲攝）