華誼兄弟狂蝕11人億人仔 馮小剛、鄭愷被求以現金補償

撰文:鄺鈺瑩
出版:更新:
受「陰陽合同」影響,華誼兄弟上市10年來首次虧損,馮小剛即時被要求作以現金作出補償。(資料圖片)

旗下擁有Angelababy、李冰冰等一線藝人嘅華誼兄弟,喺日前所發布嘅業績報告中顯示公司去年虧損近11億人仔,主要原來係「重點電影項目票房失利及商譽減值」。其實去年發生「陰陽合同」事件後,華誼兄弟股價大跌,試過一日內蒸發20億人仔。
 

鄭愷雖然有得留任新一季《跑男》,加傳佢出場費近一千萬,但估唔到佢都要補償華誼兄弟近兩千萬人仔,由此可推斷,鄭愷嘅身價有幾高。

公司蝕錢,早年被華誼收購嘅「東陽美拉傳媒有限公司」,其股東馮小剛隨即被要求作出補償,事關佢曾經承諾過會為公司帶嚟不低於1億人仔嘅業績目標,每年增長15%,由於去年馮小剛嘅公司淨利潤只得6,501萬,與業績目標1.32億有所差距,故需要作出6,700萬人仔嘅現金補償。至於另一位華誼藝人鄭愷,佢有份主演嘅電影《前任3:再見前任》去年上影時雖然大收20億,但由於佢都係未達標,故同樣被要求補償,金額為1,962萬人仔,二人同被列為華誼兄弟嘅前五大欠款方,有指馮小剛喺4月初就已經完成「補償」手續。原來天價嘅背後,都係需要有付出。

華誼有份投資嘅《手機2》上映無期,損失慘重。